呢一份教材適合 DSE Level 3或以下嘅同學，用來打好基礎
遇到好多驚冇3嘅同學，都會話「我冇咩vocab」、「我聽到個音但唔識串」、「篇文太多字唔識完全唔知點好」
而呢個問題係日校好難解決，因為，殘酷地講，個底甩得太嚴重，日校老師冇時間去教。Exam Skills、靚Vocab、Sentence Pattern都教唔切，點會有空間處理啲基本問題？（如果同學係Band 1尾 Band 2頭學校就更無助，因為學校會比較想谷多啲星星，較少會去保3）
但其實同學絕對唔係蠢／冇天份／唔俾心機，只係單純地喺要學呢啲字嘅階段，因為遇人不淑、未開竅等等原因而無學好。
然而，語文最麻煩嘅就係，只要個底唔好，之後所有嘢都事倍功半（甚至一半都冇，然後仲要有啲同學溫書少過你上堂hea過你書又唔睇，但靠老本都仲係高分過你……）
就算出去補習，都未必間間會由咁基礎開始教起（等陣你見到sample就會明點解，因為會好似呃緊你錢咁）；私補就要視乎老師經驗／有冇教材，但同理，如果堂堂上呢啲，你會覺得好嘥錢……
所以就推出呢個Package，希望同學可以用合理嘅價錢，喺短期內打返好個底，咁先可以向上衝！
喺推出Package之前，會先出一啲Samples。一來宣傳下，二來都想收集同學嘅意見（好嘅產品就係用家覺得好用有用；教學亦然）。
今日先來睇睇 Level 1 嘅 word list，以下係word list 其中一頁：
吓，好簡單喎？
係啊，就係咁簡單。換個角度睇，如果咁簡單都有字唔識，咁仲得了？
Level 1 嘅word list係比同學自學嘅，建議同學由頭到尾睇一次，搵出嗰啲明明好簡單但就偏偏唔識嘅字，慢慢補返好基礎啲窿。只要加入會員，同學就可以免費下載完整嘅word list！
之後會推出Level 2……等嘅word list。模式同呢一份一樣，會有齊單字、解釋、配合程度嘅例句，仲會有flashcard 同埋reading/ writing 練習配套，務求令你可以打返好個vocab底！